“Вечерний Бишкек” басылмасынын интернет-редакциясы маалыматтарды кыргыз тилинде да бере баштады.
“Кабар Ордо” деп аталга кабарлар түрмөгүндө vb.kg сайтынан алынып, которулган жаңылыктар кыргыз тилдүү окурмандарга сунуш кылынат. Сайттын редактору Айгүл Токоева интернеттин мүмкүнчүлүктөрүнөн пайдаланып кыргыз тилдеги маалыматтарды эксклюзивдүү материалдар менен кеңейтүүнү пландап жатышкандыгын билдирди. “Кабар Ордо” рубрикасынын пайда болушу менен биздин окурмандардын аудиториясы кеңейип, алар vb.kg. сайтындагы кабарлар менен өз эне тилинде таанышуу мүмкүнчүлүгүн алышты. Бул биздин жетишкендиктерибиздин бири, албетте, акыркысы эмес, дагы пландарыбыз бар”,-деди А.Токоева.
