“Биз” деп аталган жаңы гезит кыргыз жана өзбек тилдеринде Ош облусунун аймагында сатыкка чыгарылат.
Басылманын ээси “Ынтымак” телерадиокомпаниясы. Жакында каттоодон өткөн гезиттин алгачкы саны сентябрдын соңунда 2600 нускада басылат.
Бул тууралуу “Азаттыкка” “Ынтымактын” кызматкери Даврон Насибханов билдирди. Анын айтымында, гезиттин кыргызчасы өзүнчө, өзбекчеси өзүнчө басылат.
