Кыргызстанда таңкы телешоу программаларды даярдаган редакциялар президенттик фонддон акчалай жардам алды.
Мамлекет башчы Алмазбек Атамбаев жалпысынан 600 миң сом бөлүп берүү тууралуу буйрукка кол койгонун бүгүн президенттин маалымат кызматы кабарлады.
КТРКнын «Замана» студиясына, «ЭлТР», «5-канал» жана «НТС» телекомпанияларына ар бирине 150 миң сомдон берилди. Бул каналдарда таңкы эфирге жооптуу редакторлор менен кечээ президенттин кеңешчиси Фарид Ниязов жолугуп, алардын эл арасында позитивдүү маанай жаратуудагы ролу зор экенин белгиледи.
