КТРКнын Байкоочу Кеңешинин мурдагы төрагасы Кылычбек Султанов жаңы Өкмөттүн курамына министрлик кызматка кеткендиктен, Байкоочу Кеңештин мүчөлөру жаңы төрагасын шайлап алышты. Ал Фархад Бекманбетов.
Кылыч Султановго караганда Фархад Бекманбетов эл арасында, өзгөчө орус тилдүү журналисттердин арасында анчалык көп белигилүү эмес экен. Ал тууралуу маалымат сурагандар көп болду.
Биз апрелде КТРКнын Байкоочу Кеңешинин курамы жаңы гана белгилүү болгондо анын мүчөлөрү тууралуу кыскача маалымат чогултуп, https://journalist.kg сайтына чыгарып койгонбуз. Ошол маалыматтардан Фархад Бекманбетов тууралуу профайл менен бөлүшүүнү туура көрдүм.
Юридика жана экономика жаатында билим алган. Улуттук Илимдер академиясында Философия жана саясий-укуктук багытка кызыгып, изилдеп жүрөт. «Айтыш» коомдук фондусунун директору жана тең төрагасы, «Айтыш-фильм» киностудиясынын продюсери, Кыргыз Республикасынын кинематографисттер союзунун мүчөсү. Байкоочулар кеңешине Жарандык коом тарабынан сунушталган.
