Извините, для данной страницы нет перевода на Русский язык For the sake of viewer convenience, the content is shown below in the alternative language. You may click the link to switch the active language.
КТРКнын жаңы жетекчиси болуп Жайнак Үсөн уулу тандалып алынды. Жаңы жетекчи КТРКнын Байкоочу кеңешинин 15 мүчөсүнүн 13 добушун алып тандалды.
КТРКнын башкы директору 19-мартта ишине киришет. Бул тууралуу Байкоочу кеңештин жетекчиси Жыпар Жекшеев айтты. Анткени КТРКнын учурдагы директору Илим Карыпбековдун мөөнөтү 19-мартта аяктайт. Ага чейин Карыпбеков жаңы шайланган жетекчиге документтерди өткөрүп берет.
1-мартта телеканалдын директорлугуна талапкер болгон 17 кишинин ичинен сегизи: Ибраим Нуракун уулу, Мирлан Самыйкожо, Замирбек Казакпай уулу, Галина Байтерекова, Жайнак Үсөн уулу, Болотбек Тиллебаев, Адил Турдукулов жана Сураган Босумбаев финалдык баскычка өткөн.
28-февралда учурдагы директор Илим Карыпбеков кайра шайлануу боюнча өз арызын кайтарып алган.
Бүгүн, 6-мартта сегиз талапкердин дагы бирөө, акын Мирлан Самыйкожо өзү арыз жазып, талапкерлигин алып салгандыгы белгилүү болгон.
КТРКнын башкы директору Байкоочу кеңеш тарабынан төрт жылдык мөөнөткө шайланат.
Азаттык
