Извините, для данной страницы нет перевода на Русский язык For the sake of viewer convenience, the content is shown below in the alternative language. You may click the link to switch the active language.
Коомдук телерадиоберүү корпорациясы менен Жапониянын JICA эл аралык кызматташтык агенттигинин ортосунда жаңы келишимге кол коюлду.
Ага ылайык JICA КТРКга 2006-жылы берген техникалык жабдууларын оңдоп, кайра калыбына келтирмекчи. Бул туурасында аталган КТРКдан маалымдашты.
Коомдук телерадиоберүү корпорациясынын башкы директору Кубат Оторбаевдин айтымында, берилип жаткан жардамдын суммасы 600 миң АКШ долларына жетет.
2006-жылы JICA КТРКга 7 млн. долларлык техникалык жабдууларды бекер берип, жардам көрсөткөн. Андан бери берилген камералар, монтаждык столдордун жана техникалык жабдуулардын айрымдары эскирсе, айрымдары 2010-жылдын апрель окуясы маалында талкаланып, керектен чыккан. Ушундан улам, 10 күндөн бери Жапониянын Эн-Эйч-Кей (NHK) телеканалынан 2 адис келип, жабдууларды текшерүүдөн өткөрдү. Эми эки тараптын алгылыктуу кызматташуусунун жыйынтыгында 2013-жылдын апрель айынан тартып КТРКга жардам берүү чечими кабыл алынды.
