Биздин сайтта “Блогдогу кызыктуу материалдар” деген жаңы рубриканы ачтык. Бул жерде биз сайтыбызда ачылган блогдордо жарыяланган кызыктуу материалдар менен бөлүшүп турмакчыбыз.
Учурда бизде маал-маалы менен жаңыланып турган 36 блог бар (бардыгы болуп бизде катталган блогдордун саны 70тен ашат). Бизде блог ачкысы келгендердин саны күн санап өсүүдө. Биз да өз кезегибизде блогдорун ийгиликтүү алып барышы үчүн блогчуларга бардык шарттарды түзүп берүүгө аракет кылып жатабыз. Кыргыз тилинде блог алып баруу боюнча сабактар даярдалууда (орус тилинде мындай сабактарды интернеттен жеңил эле таап алса болот); эгер мурда блогчуларыбыз блогдун сырткы бир гана жасалгасы (темасы) менен чектелсе, учурда алардын тандоосуна 10 тема сунушталып келет; англис жана кыргыз тилиндеги блогчулар блогун толугу менен англис же кыргыз тилине өткөрө алат.
Бизде блог ачкысы келгендер, аны бул жерден кыла аласыздар.