Кыргызстандык эки журналист – Улукбек Бабакулов менен Эгамберди Кабулов Ооганстандын чек арасынан Тажикстандыкына өттү. Бул туурасында У.Бабакулов Фейсбуктагы баракчасына маалымат катары жазды. Алардын Тажикстандын аймагына киргендигин тажикстандык кесиптештерибиз да бекемдеди. У.Бабакуловдун маалыматы боюнча бүгүн эртең менен (27.07.2012 – ред.) Мургаб аркылуу Ошко чыгышы керек.
“Бөрүбаевага, генерал Мусаевге, Салтанатка жана биздин абалга кайдыгер карабагандарга чоң-чоң рахматымды айтам”,-деп жазды ал.
Эске сала кетсек, кыргызстандык эки журналист иш сапары менен Кичи Памирдеги кыргыздарга барып кайтып келе жатканда, Ишкашимдин (Ооганстан) жанындагы жабык чек арада калып калышкан. Ишкашимге жакын бул чек ара бекети Тоолуу Бадахшандагы операция менен Вардуш айылындагы талибдердин козголоңунан улам жабылган эле.