Журналисты
Жаңылыктар

Матраимовдордун ЖМКга каршы доо арызы боюнча соттук угуу болбой калды

Бишкектин Сверлов райондук сотунда Матраимовдордун үч ЖМКга – 24.kg, Kloop жана «Азаттык» жана журналист Али Токтакуновго каршы доосу боюнча соттук угуу жылдырылды.

Бул доогер «Исмаил Матраимов атындагы фонд» коомдук фондунун өкүлдөрүнүн бири Лейла Байдаеванын жыйынга келбегенинен улам болду. Ал соттук угууну жылдыруу боюнча келтирилген өтүнүчтө келбей калган себеби катары Түркияга иш сапарын көрсөткөн жана авиабилеттин көчүрмөсүн тиркеген.

Сот катышуучуларды бир сыйра сурап, жыйынды 11-декабрга жылдырууну чечти.

Эске салсак, бул иште Жогорку Кеңештин депутаты Искендер Матраимов, анын жубайы Миновар Джумаева, Бажы кызматынын төрагасынын мурдагы орун басары Райымбек Матраимов, анын аялы Ууулкан Тургунова, о.э. «Исмаил Матраимов атындагы фонд» КФ доогер болуп саналат.

Доогер тарап ар-намысты жана кадыр-баркты коргоо үчүн «Азаттыктан» – 22,5 миллион, журналист Али Токтакуновдон – 10 миллион, Kloop редакциясынан – 12,5 миллион жана 24.kg басылмасынан – 15 миллион сом өндүрүп берүүнү сурап, сотко кайрылган.

Окшош посттор

“Клооптун” операторуна байланыштуу окуя боюнча ИИМ ички иликтөө жүргүзөт

Administrator
03.08.2019

В Бишкеке состоялась республиканская конференция журналистов Кыргызстана (фоторепортаж)

Administrator
12.12.2012

“Апрель” телеканалы өздөрүнүн сайтына DDoS чабуулдардан сактануучу автоматтык коргонуу орнотушту

Administrator
24.09.2019