Кыргызстанга автоматтык санарип ретрансляторлордун алгачкы партиясы келди. Бул тууралуу бүгүн өкмөттөн кабарлашты.
Тогуз ретранслятор Чүй, Ысык-Көл жана Ош облустарында орнотулат. Жалпысынан мындай жабдууну санарип телекөрсөтүү сигналдары жетпеген 326 айылга өткөрүү пландалууда.
Быйыл 15-майда Кыргызстанда аналог телекөрсөтүү өчүрүлүп, өлкө толугу бойдон санарипке өтөрү пландалууда. Бирок аталган 326 айылда аналог сигналдары тиешелүү жабдуу орнотулуп бүткөнгө чейин сакталып турат.