Ички иштер органдарынын кызматкерлери тарабынан журналист Геннадий Павлюктун уурдалган таарылган эстелиги табылды. Ички иштер министрлигинин маалымат кызматын аталган эстеликтин уурдалышына катыштыгы бар адамдардын ким экендигин аныкталгандыгын билдирди.
26-июнь күнү кечинде Бишкек шаарынын Ленин районуна караштуу Ала-Тоо жаны конушундагы үйлөрдүн биринин короосунда колодон жасалган эстеликтин кесилген бөлүгү табылган.
Үйдүн ээси ким экендиги аныкталып, милиция кызматкерлерине 10 күн мурда капка салынган металлды иниси алып келип, кийинчирээк алып кетем деп таштагандыгын айтып берген. Үй ээси мүшөктө таарылган эстелик экендигин билбегендигин айткан.
Эске сала кетсек, 21-майда таңга маал Бишкек шаарында белгисиз бирөөлөр журналисттке коюлган эстеликти түп-орду менен уурдап кеткен.