Бүгүн, 6-ноябрда басма сөз каражаттарынын кесиптик майрамын белгилөө учурунда, журналисттер үчүн 40 батирлүү көп кабаттуу үй куруу демилгесин Ош шаарынын мэри Мелис Мырзакматов суроолорго жооп берип жатып белгиледи, деп маалымдайт “Ынтымак” радиосу.
Мэриянын коомчулук менен байланыш кызматы маалымдагандай, муну үчүн шаар аймагынан жер тилкеси ажыратылып, кийинки жылга журналисттерге арналган үйдү куруу үчүн калаа казынасынан каражат бөлүү маселеси шаардык кеңешке сунушталат.
“Эгер депутаттар колдоп берсе, шаардык бюджеттен белгилүү бир сумма ажыратылат. Курулушка журналисттер да өздөрүнүн баштапкы каржысын салышат. Бул – аз үстөктүү узак мөөнөттүү ипотекалык насыя түрүндө төлөп кутулуу мүмкүндүгү”,-деди мэриянын коомчулук менен байланыш бөлүмүнүн кызматкери Гүлжан Ажиматова.
Булак: http://yntymak.kg/pages.php?page=news&num=06.11.12.11.48.44.gif
