Касым Тыныстанов атындагы Ысык-Көл мамлекеттик университетининде студенттик гезитти чыгаруу пландаштырылууда, деп маалымдайт «Issyknews» сайты. Бул тууралуу окуу жайдын студенттик уюмунун чогулушунда тарбия боюнча проректору Нурлан Тагайбаев билдирген.
Студенттик гезит жождо 2 жылдан бери чыгарылып келаткан “Студенттик багыт” бюллетенинин негизинде уюштурулмакчы. Гезитти 1000 нускада, айына 2 жолу чыгаруу күтүлүүдө.
Белгилей кетиш керек, окуу жайда алгачкы гезит ректор Жолдош Жусаевдин убагында чыгарылып, анын демилгеси менен “Жалын” деп аталган. Андан соң жоюлуп, кийин “Студенттик багыт” бюллетени чыгып келген.
“Гезиттин биринчи чыгарылышына окуу жайдан акча бөлүнөт. Гезит мурдагы “Жалын” аты менен чыгат. Ал эми “Студенттик багыт” бюллетени “Жалын” гезиттинин ичине тиркелет. Гезитке жоопту редактору болуп Жыргалбек Акматалиев бекитилди. Аны менен студенттик уюмдун студенттери иштешет”, – деп билдирген Н. Тагайбаев.