Журналисты
Жаңылыктар

Дума интернетти чектеген мыйзамды жактырды

Орусиянын Мамлекеттик Думасы интернеттеги прокси кызматтарын колдонууга тыюу салган мыйзам долбоорун жактырды. 21-июлда үчүнчү окуудан өткөн мыйзам анонимдүү иштеген мобилдик кыска билдирүүлөрдү алмашуу кызматтарына да бөгөт коет.

Демилгечи депутаттар бул мыйзам интернетте экстремисттик идеялардын жайылышын алдын алат деген жүйө келтиришкен. Укук коргоочулар болсо президент Владимир Путиндин өкмөтү интернеттеги сынчыл көз караштардын тамырын кырккысы келет дешет.

Мыйзам долбоору президенттин кароосуна жөнөтүлгөнгө чейин парламенттин жогорку палатасында талкууланышы керек.

Прокси-серверлер интернет провайдерлер жаап койгон сайттарды ачууга мүмкүнчүлүк берет.

18-июлда “Хьюман Райтс Уотч” эл аралык укук коргоо уюму “Орусиядагы ой-пикир билдирүү эркиндигине чабуул” аталышындагы жаңы баяндамасын жарыялап, өлкөдө интернет эркиндиги чектелип жатканын билдирген.

Баяндамада 2012-жылдан тарта Орусияда ондогон адамдар социалдык тармактардагы билдирүүлөрү, видео, макала жана маектери үчүн кылмыш жоопкерчилигине тартылганы, жүздөгөн сайттар экстремизмге каршы күрөштүн алкагында жабылганы белгиленген.

https://www.azattyk.org/a/28631096.html

Окшош посттор

Иликтөө долбоорлорун ишке ашыруу боюнча чакан гранттардын кезектеги конкурсунун 3-этабы жарыяланды

Administrator
05.08.2019

Адам укуктары жаатындагы мыкты журналисттик иликтөө үчүн улуттук конкурс

Administrator
21.04.2015

“BBC”:За что и перед кем приходилось извиняться журналистам?

Administrator
29.01.2013