АКШнын Эл аралык өнүгүү боюнча агенттигинин (USAIDдин) көмөгү менен Кыргыз Республикасындагы Шайлоо Системаларынын Эл аралык Фондунун (IFES) Өкүлчүлүгү КР Шайлоо жана референдум өткөрүү боюнча борбордук комиссиясы жана «Журналисттер» коомдук бирикмеси менен биргеликте ден соолугу боюнча мүмкүнчүлүгү чектелген жарандардын шайлоо укугунун турмушка ашырылышын чагылдыруу боюнча журналисттер үчүн Ош шаарындагы эки күндүк окутууга билдирмелерди кабыл алуу узартылды.
Ош, Жалал-Абад жана Баткен облустарынын журналисттеринен билдирмелер 29-август саат 17:00гө чейин кабыл алынат.
Билдирмени он-лайн толтуруу формасы бул жерде. Билдирмеге резюмени тиркеп жиберүү керек.
Эскерте кетсек окутуу Ош шаарында 11-12-сентябрда өтөт. Окутуулар кыргыз тилинде өткөрүлөт.
Жол кире, жатакана жана тамактануу чыгымдарын уюштуруучулар өзүлөрү көтөрөт.