Сынактын максаты – Кыргызстанда иликтөө журналистика жанрынын өнүгүүсүнө, ошондой эле коррупциялык схемалар менен мыйзам бузууларды ачыкка чыгаруу жана ага бөгөт коюу фактыларын чагылдырууга багытталган демилгелерди колдоого багытталган.
Конкурска журналисттик иликтөө жүргүзгөн медиа тармагындагы журналисттер, уюмдар, эркин журналисттер, жарандык активисттер, блоггерлер, студенттер дагы башка кызыкдар тараптар катыша алат.
Конкурска катышчулардын сунуштамасы орус жана кыргыз тилдеринде берилип, анда: конкурска сунушталган материалдын кыскача аннотациясы жана шилтемеси болушу зарыл.
Конкурска 2019-жылдын 1-январынан 31-декабрга чейин жарыяланган материалдар гана катышат.
Сунуш кылынган материалдарды тандап алуунун негизги чен-өлчөмдөрү:
- актуалдуулугу, журналисттик иликтөө темасынын масштабы;
- иликтөөнүн конкреттүү жагдайдын жакшыруусуна тийгизген таасири;
- кесиптик деңгээли;
- атуулдук кадыр-баркы.
Сыйлык фонду 100 миң сом. Конкурстун жеңүүчүлөрү акчалай сыйлык, атайын сый белги ошондой эле дипломдор менен сыйланышат.
Конкурска катышуу үчүн СУНУШТАМАНЫ толтуруп, аны мына бул электрондук дарекке жөнөтүү зарыл: jif@jif.kg
Сунушталган материалга «Уланбек Эгизбаев атындагы сыйлыкка» деген белги коюлушу керек.
Сунуштарды кабыл алуунун акыркы күнү 2020-жылдын 15-январы.
Жыл сайын берилүүчү Уланбек Эгизбаев атындагы сыйлык тууралуу кенен маалыматты конкурстун ЖОБОСУНАН билсеңиз болот.
Бардык суроолор боюнча Гүлмира Эсенгелдиевага g.esengeldieva@gmail.com эл.почтасы аркылуу кайрылсаңыз болот.
